top of page

世一江麗莉再創歷史,奪世界跆拳道品勢錦標賽銅牌

September 22, 2026


港隊跆拳道喺剛落幕嘅殿堂級賽事「春川2026世界跆拳道品勢錦標賽」奪得銅牌,寫下港隊首面成人個人世界賽獎牌紀錄!呢個係中國香港跆拳道歷史上首面世界賽成年個人項目嘅獎牌,為香港體壇寫下新嘅一頁!


今次江麗莉 KongLaiLee 出戰嘅「U40公認品勢」項目有多達 35 名來自世界各地嘅頂尖選手競逐,挾著「世一」頭銜出戰嘅 Jackie,力克塞爾維亞、意大利及加拿大選手殺入準決賽,最終僅以微弱差距惜敗予封后嘅中華台北選手張庭容,但都收穫一面歷史性嘅銅牌!



Jackie話世界賽係跆拳道運動最終極嘅舞台,面對來自唔同國家嘅頂級選手,能夠喺比賽上盡力做好自己係一件好有榮譽嘅事。另外,除咗Jackie之外,港隊喺今次世錦賽中亦都表現優異,合共豪取 8 面銅牌,包括伍家澄於青少年女子個人賽奪銅牌;郭志權/楊燕卿(U60組)及黃焯彥/羅子晴(青年組)於混雙項目各自摘下銅牌; 以及男子青年團體、女子青年團體、U60女子團體及少年女子團體亦全數奪得銅牌。

今次世錦賽由青年至資深組別,港隊喺世界舞台上都展現出全面成熟嘅實力。恭喜跆拳道港隊!



Sportsoho

bottom of page